Ym mis Tachwedd 2017, derbyniodd yr Uned Technolegau Iaith grant bach oddi wrth gronfa Technoleg a’r Gymraeg, Llywodraeth Cymru, i weithio gyda’r Gwasanaeth Iechyd Gwladol ar broject i alluogi cleifion sydd ar fin colli eu gallu i siarad i fancio eu llais eu hun ac yna greu llais synthetig digidol personol ohono. Nid oedd hyn erioed wedi bod ar gael i siaradwyr Cymraeg o’r blaen, ac mae’n gam mawr ymlaen i gleifion Cymraeg eu hiaith.
Mae rhagor o wybodaeth am y gwasanaeth hwn i’w gael yma gan gynnwys manylion ar gyfer ddatblygwyr meddalwedd am god ffynhonnell y system.
Dyma fideo byr sy’n dangos sut mae modd i chi gofrestru am y gwasanaeth.
Mae’r pecyn wedi cael ymateb cychwynnol gadarnhaol iawn gan rhai therapyddion iaith a lleferydd ar y gwefannau cymdeithasol:
#Lleisiwr.techiaith.cymru.. successfully banked my voice in Welsh language!! Mae o'n gwych! Incredible technology! Can't wait to support patients to use this ?@techiaith #prosiectlleisiwr @RCSLTWales @BCUHB #voicebanking pic.twitter.com/drEND7ptnN
— Anna Rhiannon (@Anna24127661) 28 March 2018